Concello

Quero manifestar, e fagoo con satisfacción, a miña benvida á nova páxina web do Concello de Cesuras, a todos cantos precisen usala ou que simplemente acudan a ela para satisfacer unha inquedanza.
Esta páxina emerxe co propósito de abrir unha nova vía de comunicación con todos os que desexen mergullarse nestas terras que desprenden ferrados de saúde, podéndo acceder á historia de Cesuras, contemplar as máxicas paisaxes do seu territorio, coñecer as tradiconais festas parroquiais nas que se pode disfrutar da amabilidade e da hospitalidade das súas xentes.
Dende este medio convídovos a que, nalgunha das rutas a elexir para percorrer, aínda que tan só sexa nun día de ocio, decidades incluír unha visita a este concello, situado a cabalo da mariña e da montaña coruñesa, na seguridade de atopar un entorno de sosego.

Un afectuoso saúdo
José Ferreiro Pardiñas
Alcalde
Cesuras, 2006